Директор блогы

Өмірбаяны

Мен, Баймолдаева Эльмира Жексенқызы, 1970 жылы 12 желтоқсанда Алматы облысы Талғар ауданы Фрунзе ауылында дүниеге келдім. 

1986 жылы № 30 орта мектепті бітіріп, Есік қаласының педагогикалық училищесіне еңбек және сызу мұғалімі мамандығы бойынша оқуға түстім.  

1990 жылы еңбек жолын Фрунзе ауылының № 30 орта мектебінде еңбек және сызу мұғалімі болып бастадым.

 1993 жылы Талғар қаласындағы № 49 орта мектепке бастауыш сынып мұғалімі болып ауыстым. 

1995 ж. Абай атындағы Мемлекеттік университетіне  орыс тілінде оқытпайтын орыс тілі мен әдебиеті мұғалімі мамандығы бойынша оқуға түстім.

02.01.1997 жылдан 15.08.2003 жылға дейін № 49 орта мектепте директордың тәрбие ісі жөніндегі орынбасары болып жұмыс істедім. 

2003 жылдың тамыз айынан бастап Талғар ауданы Алмалық ауылының №18 орта мектебінің  директоры болып тағайындалдым, ал 2010 жылы С. Сейфуллин атындағы № 2 ЖББОМ МБК-нің директоры болып жұмыс атқардым.

 2016 жылдың қаңтар айында Тұздыбастау ауылының № 31 орта мектебінің директоры болып тағайындалдым және 2016 жылдың қыркүйек айынан бастап әдістемелік кабинет әдіскері қызметін атқардым.

2016 жылғы 30 қыркүйекте Талғар ауданы Панфилов ауылының № 33 ЖББОМ МБК-ға ауыстырылып, директоры болып тағайындалдым.  Осы білім беру ұйымында казіргі күнге дейін жұмыс істеймін.

Осы кезеңде Қазақстан Республикасы Білім және ғылым министрлігінің Құрмет грамотасы, Алматы облысы әкімінің Құрмет грамотасы, Алматы облысы білім басқармасының Құрмет грамотасы, Алматы облыстық педагог кадрлардың біліктілігін арттыру институтының "Өрлеу" АҚ филиалының Құрмет грамотасы, Алматы облысы Нұр Отан партиясы филиалы төрағасының Алғыс хаты, сондай-ақ Талғар аудандық білім басқармасының грамоталарымен марапатталдым.